حمامة 6
حاليا هما قربوا يكونوا مؤهلين للطيران والتحليق وبداية حياة مختلفة مفهاش اتكالية كل حد يروح يجيب رزقة ويسعي علية مش يستني مامتة ولا باباه يصرف علية طب والله احسن من شباب كتير بينام للظهر ومستني المصروف يعني دول هيطيروا ويشوفوا فين فية رزق يحطوا علية وبيدبروا حياتهم بنفسهم وبعدين عش صغير في اي ركن يكون هادي يحطوا البيض بتاعهم ويراعوا صغارهم ويكبروهم بس مش لما يبقوا شحوطة كبار دي فترة بسيطة وبعدها تبدا الحياة تخيلوا الانسان عندة عقل ربنا رزقة بية ومع ذلك بيديلة اجازة مفتوحة مش بيستخدمة غير في حجات تافهه ومبتذلة ورخيصة انا امبارح بقلب في قنوات التلفزيون فوجئت بكمية مهولة من القنوات الهايفة اصل من زمان مش بقلب في القنوات بحكم اني مش بحب التلف زيون فعلا هو تلف الا من بعض المعلومات والاخبار والباقي كلة هجص وتفاهه
مسلسلات بتاخد وقت اد كدة وفي الاخر اية القيمة الي بنخرج بيها ولا حاجة حتي ياريت هادفة انا دايما مخي بيروح للكواليس مش عارف لية بحس ان الناس دي بتضحك علينا وبتخيل فريق العمل والكميرات والتصوير علشان يمثلوا شوية مشاهد تترص كدة يطلع فيلم هابط ملوش قيمة وكمية الفاظ وتهبط علي الفنان الملايين مش عارف علشان اية يوصل اجر ممثل ل10 ملايين في الفيلم الواحد عارفين لية ؟؟؟
علشان فية ناس كتير مستنين المصروف من ماما وبابا مش طالع يشوف رزقة فطبيعي يكون فاضي يشجع الممثل المبدع ابو دم خفيف ومش بعيد يكون قدوتة ويقلدة في لبسة وقصة شعرة
طب ممكن سؤال فينك انت ؟؟
هناك ٥٤ تعليقًا:
طبعا حيطلعوا لمين غيرمامتهم؟
يا ترى هى لسه بترعاهم وإلا خلاص ؟
شىء طبيعي لما الاهل يوفروا كل شىء لاولادهم ويدلعوهم
منتظر منهم إيه؟
يدوروا على شغل وإلا يتعبوا نفسهم فى ايشىء؟
بس ده ما يمنعش إن في شباب زي الفل
وامثله جميله لتحمل المسؤوليه والكفاح بس يمكن قله انا معاك
حنفتقدهم لما يطيروا يا عادل
:):)
تحياتي
سلام عليكم
انا لسه واخدة بالى من البلوج دى
بس بجد جميلة وقصة الحمامة دى حلوة والله
سلام
لأي يا عم أنا عايزه حمامه بيضا!!!!!!
ضعاف جدا بس أقوياء بعد كده!!!
سبحان الله
ربنا يكرمك والله ياعادل
انت معيشنا حاله حلو اوي مع قصة الحمامة
تحياتي ليك
محمد سمير
اللي ادالك يخليلك
يتربوا في عزك انشاءالله
طيب سميتهم ايه؟ بوجي و طمطم؟
هههههههههه
عارف اهلينا بتعمل فينا ايه بحنيتهم الزياده علينا
وبخوفهم الشديد من اي نسمه طايره
بيعجزونا
بيخلونا نفقد معني المسؤليه واحتمالها بتاتا
والايام دي الاتكال والتواكل بقيوا سمه العصر
مش عايزه اقولك ان فيه نموذج قدامي لسيده عندها فوق 56 سنه وعندها بنتين واحده عندها 25 سنه متجوزه وعندهااولاد والتانيه 30 سنه
ولغايه دلوقتي بتصرف عليهم
ولما تيجي تشتكب انها تعبت من المصاريف ونفسها ترتاح
يزعلو منها
ولا كان دا بقي حق مكتسب ليهم خلاص
والتغير عنه يعتبر شذوذ عن القاعده
بجد الدنيا حالها اتقلب يا عادل
ما علينا
طبعا قريت ردك الي فات بتاع المطاعم
انا اتعقدت بصراحه
لاني باكل من بره كتير
يعني هارديز وكنتاكي وشرمبي دول فيهم حاجه؟
والنبي نورني انا اختك برضه
أحنا فين
أحنا متدلعين فى بيوتنا
اهالينا بيجرو ويشتغلو واحنا نصرف
وبيراعونا ويدلوعنا
واحنا كمان مش عاجبنا
بس على فكره العيب مش فينا
احنا طلعنا من الاول واحنا محاط علينا
كل طلباتنا كان مجابه
دلع اهالينا وخوفهم علينا
ربى جوانا روح الاتكاليه والاعتماد عليهم
ممكن ساعات بنتمرد على الخوف والدلع ده
بنحب نخوض الحياه من وجهه نظرنا احنا
بس هرجع واقولك ان ظروف الحياه الصعبه
مش اى حد يقدر يصمد قدامها ويعتمد فيها على نفسه بنفسه
وانها محتاجه نغير جوانا كتير
علشان نقدر نواصل
متخيلتش أبدا ان القصه دى ممكن تاخد المحور ده فى النهايه
تسلم ايديك ودماغك بجد
تحياتى
معلش انا شوية حكون بعيدة عن موضوع الاهل والانسان والحمام
ههههه
عارف فكرتني في الحمام الي عندنا بيجي كل صيف ويبيض عند زاوية شباك غرفة الجلوس فس كدة مساحة مزروعة مع انها صغير بس بيجي الحمام ويبيض
دة جميل خالص
بس بقى مع الوقت والزمن بقى بيجمع نمل وحشرات وحجات غير متاسفة الحجات الي بتخرج من الحمام
اخيرا قلنا مش معقول نحط سم ليهم
احنا لازم نزرع كمية كبيرة في المنطقة الصغيرة دي عشان ماتلاقيش مكان تبيض في
وهي ولا هنا منفضة على الأخر لينا
فضلت تنبش في الارض وتقطع حتة من العشب بمنقارها حتى عملت فسحة صغيرة تعد فيها
واع واع
انا اتجننت
قلت ماشي فضلت وراها
اخوفها من الشباك
اضرب الشباك بحاجة خفيفة وكدة طير وماتعرفش تعمل حاجة بس بعد فترة عادي اتعودت وحسستني الحمامة اني متخلفة
ما علينا ثاني مرة رحت ماسكة ماية وراشة كل ما تيجي
واكتشفت حاجة
انو الاب السيد حمامة بخاف وجبان وبيهرب ومش بيرجع
بس الام الحمامة بتفضل قاعدة ولا تتحرك حتى لو رشيت مية فوق دماغها
هي طبعا خايفة مووووووووووت مني
بس ولا بتتحرك
عاوزة العيال تفقص و تطلع للدنيا
سبحان الله حتى الام الحمامة قلبها حنين على ولادها
معلش طولت عليك بالكلام
سلام يا جدعان
بجد صور وقصة رائعة
وفيها عبر كتير قوى
تحياتى لك على الصور والقصص الرائعة دى
لمى
لسة بترعاهم طبعا
الاتنين موجودين بس المدللين اكتر
والكسولين اكتر
القصد ان مفروض يكون الكل لة دور في الحياة
البنت الشلبية
نورتي البلوج
ومنتظرينك تاني هنا مش هناك بس
صابرينا
حمامة بيضا رمز السلام لاحلي صابرينا
حاضر هوصيها المرة الجاية تجيبلك حمامة بيضا
:)
محمد سمير
اهلا يا محمد
دانت الي منورني
وكلامك احلي
انيما
هههههههههههه
ماشي ماشي
انا مش عايز غير بس فترة اصور فيها
ويطيروا هو انا ناقص اربي حمام كمان
:)
ياااااااااه
هتصدقني لو قولت لك انا شميت ريحتهم و انا قاعده مكاني
الله
انت فين يا حج عادل
انت استحليت القاعده في الغيه ولا ايه؟
مش اصول طيب
دي
طمنا يا حج
اللون ده غريب اوى .. سبحان الله
جهينة
ازيك يا اختي
انا كلامك دة عاجبني جدااا
فعلااا الاسرة ساعات بتعجز
من تلبية كل الرغبات بتتكون عند الابناء سهولة الحصول علي اي شئ
ويتعود علي كدة انة لما يحتاج حاجة تجيلة بالساهل من تجربتي في الحياة والعينات الي شفتها اي حد بيدلل ابنة بيبوظة بيخلية حاجة مش ممكن يعتمد عليها ابداا والشاب الي بيحفر الارض علشان يتعلم ويشتغل ويعمل كل حاجتة بنفسة هو الي بينجح في كل شئ
يبقي كدة حب من الاهل ؟؟
كدة يبقي ظلم
الست دي اكيد من نفس العينة عودتهم علي كدة تشرب بئي
المطاعم يا ستي ابعدي علي اد ما تقدري بجد
كنتاكي دة بالذات مرة كنت معزوم قرفت قرف ما يعلم بية الا ربنا وانظف واحد فيهم كمان الي علي البحر ريحة زفرة طالعة من الدجاج والله دة غير وصاية من واحد شغال هناك حذرني منة
تعالي هنا هارديز بزمتك بتاكلي من هارديز يعععععععععع
دول كفاية ان الي شغالين هناك اغلبهم بوذيين وبلاوي دة غير دهون الخنزير بقولك اية انا حذرتك ودة كمان لي تجربة زفت معاه كنت في معرض صنع في امريكا في ارض المعارض من فترة وجعت ملقتش قدامي الا هو هارديز ومن ساعتها حرمت
شرمبي يعني نص نص لانة اغلب المنتجات من تايلند ومتلج كمان زي ام الروبيان والحجات الي ملهاش اي قيمة غذائية غير بس طعم وخلاص
طب ولية الغلب دة كلة انا اقولك علي المفيد وباحلي واحلي طعم ونكهه
لو عايزة ابقي تعالي اقولك
ريموووووو
اهو ده الكلام العاقل
تعرفي فعلا الظلم للابناء زي ما قلتي تعوديهم علي الاتكالية
مش بس الاولاد
البنات انا اعرف امهات بتفتخر ان بنتها مش بتدخل المطبخ مثلا
ولا بتغسل ولا بتعرف تعمل اي حاجة في البيت تخيلي الام بتعملها حتي كوباية الشاي وتكبر العروسة ولما يكون عندها بيت تليص وتندم انها ضيعت حجات كتير متعرفهاش
وخاصة دول الي بيربوا ظوافرهم
ههههههههههههههههه
مربية ظوافرك انتي ولا لا ؟؟
بهرج
ليمواندة
ههههههههههههههههههههههه
طب تعمل اية المسكينة يعني
قالت اتصرف واسوق الهبل علي الشيطنة
وطنشتكم واديها رقد
بس بجد حمامة هايلة وصبورة
قلبي معاها من المية الي اترشت عليها والزرع
بس هي عارفة ان قلبكم حنين
بوس بوس
اهلا اهلا
انتي الي منوراني هنا
تسلمي
توتة توتة
اصدقك
الخيال عندك عالي
وروحك شفافة انتي عارفك
جهينة تاني
معلش والله الظروف كدة مش عارف مالها
مش فاضي وحجات كتير
غية اية بس انا هنا اهوووووو
بوسي كات
لون اية يا بوسي
قصدك لون الحمامة اة علشان دة حمام بيسموة جبلي
12ياه مشاء الله كبرو بسرعه
ليه كتير مابدخلش على المدونات
انته عارف النقل والجو المصاحب
عجبني اوي تفصيلك للصوره من البدايه لحد دلوقتي
وبالنسبه للتليفزيون
فعلا فيه كم هائل من السطحيه
مش عارفه في ايه
بس اكيد العيب مش فيهم لوحدهم لو مكنش في ناس بتتفرج اكيد ماكنوش فضلو وزادو بالصوره ديه
كل يوم قناه اغاني وقناه مسابقات واخيره قناه سحر على الهواء
انا اتخضيت لما شوفتها
ولقيت شيخ عمال يقراء قراءن وطالع بخاتم وانسيال وسللسه دهب
وعمال يتمتم بكلام غريب وقال ايه الناس تتصل بيه علشان يفك سحر
وكم المكالمات مهوله
اكيد مش الغلط عليه لوحده
ربنا يرحمنا برحمته
وبعيدا عن البوست يارب تكون بخير يافندم
ويكون الجو اتظبط عندك شويه
اعذرنا على التأخير
:)
تحياتي
برغم إن الصور تحفه كالعادة .. لكن الموضوع اللي إنت أشرت إليه أكثر من رائع .. دي رسالة هادفة جدا لشباب اليومين دول أحييك عليها جدا
محض روح
ازيك ؟؟
كمية القنوات السطحية دي فعلا بدل علي متابعة من ناس كتير دول بيزيدوا كل يوم ولا شريط المسجات الي تحت دة
فضلت اقرا شوية موت من الضحك قمة في التفاهه بعيد عنك ومعرفش انا انة في قناة للسحر بس بقيت اصدق اي حاجة
تعرفي كمان فية ناس كتير بتكرة الحجات دي وبتكرة الاسفاف والكليبات الهابطة
ومع ذلك ولا حاجة بتتغير مش عارف اية الحل بس ربنا يلطف
اة صحيح انتوا خلصتوا نقل ولا لسة ولا يهمك التاخير الغلاوة محفوظة
تحياتي
مراكبي
ازيك ؟؟
شباب اليومين دول وشباب الامس
الكل محتاج كلمة تفوق في الزمن دة واولهم احنا العالم اصبح غابة مفتوحة علي مصراعيها علي قوافل من الحيونات المتوحشة والحشرات الزاحفة
ومصاصوا الدماء
اية رئيك في الرعب دة ؟؟
حبيبي انت يا ابو حميد
طب وانت نكدت ليه علينا
ماالصور رقيقة وجميلة وكفاية
انا ماصدقت خرجت من موود الخناقات والمعارضة والفساد والذي منه ولقيت قدامي بعد تاني في البلد دي يفتح النفس شوية
ماشي يا عدول
مقدرش اتكلم ولا افتح بوؤي مع مصور عظيم زيك
اللي تشوفه
احمد سلامة
هههههههههههههه
ازيك الاول بس دة مش نكد مفاجئ اقصد ان دة مش خبر مفاجئ دة حاجة احنا عايشينها كل يوم يا صديقي زي المية والهوا وشبة استسلام لها بل بنستمتع بيها يبقي فين النكد النكد مستخبي جوة جوة لما نلاقي حد مش منتج وبقي هو المتربع علي عرش القلوب
يعني لاعب الكورة والمطرب والممثل
دول مش منتجين يعني مش بيطلع منهم اي انتاج صالح ينفع الوطن والامة ماعلينا خليهم يهيصو ويهيصوا العالم بس متبقاش انت الي اغني واحد ومتربع علي القلوب وشهرة وغيرة والانسان الي بيكدح وبيعمل حاجة تنفع مختفي ومش لاقي حد يسال عنة
مجرد خاطرة ومتزعلش مني يا عم سلامة
مش هنكد تاني
:)
I passed to congratulate it with its work and to desire a good August to it in vacation.
انا جيت اهه عشان تقولي
هتعزمني فين يا حج عادل
تدبيسه
ههههههههههههههههههه
مستنياك تقول يلا
وقفت قدام سؤالك:
طب ممكن سؤال فينك انت ؟؟
أنا فين؟؟
أنا فمكان عمره ما حاجيبني لقدام
بس يمكن مكاني و همجيتي تعلم حد تان إزاي يكون إنسان
و أما تعدي شوية سنين يمكن أقوم و أقول ايه كل الهبل اللي عشته ده.. فأقوم و أعوض الدنيا عن سنين الفراغ اللي عشته
يمكن؟
أصلي مش قادرة أقتنع و اسلم بالواقع اللي شايفاه
و اللي واضح فيه غن عقولنا هي سبب تراجعنا للخلف
تخيلنا مسيرين زي الحمامتين بتوعك
كان حالنا بقى افضل من حال إحنا حبسنا نفسنا فيه بعقولنا
عادل
أنا ماشة أحسن أنا مش عارفة مالها قلبت معاي غلاسة كده ليه
انا حاجري دلوقت
افلام الايام دي هايفه وبيضحكوا علي المشاهدين
انا يدوبك كل سنه بختار فيلم او فيلمين كويسين وبدخلهم
لاني باقي الافلام كلام فاضي
تحياتي
جميله قوي يا عادل
مرسي انك شاركتنا الصور دي و التعليقات الاجمل
فعلا سبحان الله
تسلم ايدك
عن نفسي للرد على سؤالك انا اهو قدام الكومبيوتر
:D
لا بنحاول نتعلم الطيران وربنا يسهل بقا:)
تحياتي
أنا دخلت من سايبر مخصوص عشان الصور مش عايزة تفتح عندى عشان اشوف القطات دى .. و الله برافو عليك أنت ازاى عرفت تتابعهم كده هما فى مكان جنبك لازم و الموضوع كان سهل بالنسبة ليك
كل سنة و انت طيب عشان شعبان
الحمدالله كويسه يافندم
بس يمكن عندي نفس حاله الشخبطه الداخليه
مش عارفه في ايه
:(
ممكن النقل يكون سبب
المهم
حضرتك كيفك واخبار الجو ايه؟
فينك يا عادل.. شكلك مشغول الأيام ده كتير
أنا قلت أجي أقري الكونتس بتاعتك و أحتج على وعد بالرجوع للبوست عندي وما جيتش ولا حاجة
لقيتك لسة ماردتش على الكومنتس اللي عندك أساسا .. يبقى خلاص حاسحب الإحتجاج عشان شكلك مشغول
بس ماتخودش راحتك قوي فالإنشغال
ماشي؟؟
:))
تحياتي يا فنان
اسكت يا عادل مش لقيت حل عشان الحمامة تروح وتسبنا في حالنا
من غير تعذيب ولا رش الماية
مش عارفة احكيها ليك هنا اصلها طويلة
ولا اعمل بوست بيها
انت قولي
ديفد سانتوس
انت عرفت العنوان هنا نهارنا ابيض
جهينة العسولة
ازيك انتي تامري بس شكلك بتاعة كلام وبس انا بحب التنفيذ علطول
:)
هنودة
مفيش واحد بيكون راضي كل الرضي عن حياتة دايما ولا فية حد بيطول كل الي هو عايزة بس بتبقي علي هيئة امل
لكن الي في اليد لازم نستغلة زي وقت فراغ مثلا معقولة كل وقت الفراغ اضيعة طبعا صعب
المهم انتي اية اخبارك تعرفي امبارح فضلت اكتب علشان ارد عليك وهب الشبكة قطعت اصل بعيد عنك انا شحات نت حاليا بحط اللاب توب جنب الشباك والقط شبكة من الهوا من اي واحد يكون فاتح شبكتة اشحت منة شوية نت
اصل انا كمان طول اليوم برة في الشغل
مش بكون في البيت الا وقت بسيط مش مستاهلة اركب نت دة غير انة مش بيخليني ارتاح وبيسهرني يمكن اصلا مركبش نت في البيت من اصلة واهي ماشية من هنا ومن هنا
:)
واحد
طب وحياتك ابقي اديلي اسماء الفيلمين دول بدل ما اتدبس انا
اهو يبقي خدمت اخوك
لان الافلام بقت كلها هبل
rosa
تعليقك رقيق جدااا علي فكرة
تسلمي جداا ومتقعديش قدام الكمبيوتر كتير غير لما تكوني فاتحة كراكيب عادل
:)
عاليا حليم
يا خبر يا خبر ولية التعب دة بس دنا كدة بجد مش عارف اشكرك ازي
من سيبر علشان تفتحي الصور دة شرف لي يا علا ربنا يخليك يا رب
محض روح
اة فعلا بناخد وقت لغاية اما نتعود علي الاماكن وتتعود علينا
انا بخير يا دينا ربنا يخليك وتسلمي لسؤالك عني
هنودة تاني
بجد بجد انا مكسوف من الناس الي بتجي ومش بتلقي حاجة جديدة بس المزاج وزحمة الشغل والنت وكل حاجة مع ان كل دول برضو مش مشكلة المشكلة ترجع لاهم حاجة الملل يمكن او تغيير الانسان دة بيمل بسرعة من كل حاجة انا حاليا عندي ملل من النت نفسة
المهم انتي ازيك ؟؟
ليمونادة
اهلا اا
لا ددانتي لازم تحكيلي اصل الموضوع دة بيجي في بالي كتير بتاع رش المية علي الحمامة بتاعك دة
ههههههههههههه
احكيلي علي المسنجر اهو ايميلي عندك
او لو عايزة برضو اعملي بوست براحتك
عادل
فرحت لما لقيتك أخيرا جيت مدونتك و رديت.. عارفاها أنا حالة الملل ده .. معلش بقى ما هي الكويت فضت عليك انت و جهينة بعد ما سافر المراكبي
وطبعا أكيد متغاظ علشان أنا في اسكندرية
:)))
خلاص خلاص.. أنا بنكشك بس
تصدق فعلا أنا كمان كنت هناك بتكاسل عن توصيل النت للبيت عشان خايفة من السهر بسببه
عموما إحنا مستنيين الجديد
هنودة
انا فعلا ساعات بيجيلي ملل بس بنحاول نتغلب علية
انا بشكر متابعتك دي حتي وانتي في الاجازة
النت فعلا بيسرق الوقت مننا الي مفروض نرتاح فية اسئليني انا
انا مبعدتش كل يوم بشوف المدونة لاني كل يوم بدخل النت مرتين تقريبا
مستنين الشتا علي نار انا بحب الشتا
اصلا في كل احوالة حتي لو مطر وسحاب
عادل يا حج
ازيك عامل ايه يا عادل
وبقالك كتير
مكتبتش حاجه
انت سيبت الكاتابه بسبب الغيه بتاعتك
الحمام شغلك يا عادل
يخساره
كنت كويس ايه الي غيرك
ههههههههههههههههههههههههههههههه
سيبك من الحمام يا حج
واعقل بقي وارجع فين صورك الجامده
متاخر ليه كدا
تحياتي ليك يا عادل
جهينة
ازيك انا حاسس انك بقيتي مشغولة
انا الايام دي مزاجي مش جاي علي التصوير مستني الشتا بقي
وكمان مريح من النت شوية فية حجات معملتهاش من زمان بسبب النت وانشغالي بية بعملها دلوقتي يعني نوع من التغيير
دة غير ان الكمبيوتر محطوط بوضع ميسمحش افضل علية كتير بتلوح بعيد عنك
كل سنة وانتي طيبة
تحفة يا استاذ عادل
مين قال كراكيب
المفروض يبقي اسمها
تحف عادل
ماشاء الله
فعلا فن و موهبة
إرسال تعليق