مزاجي في حبة شخبطة زي ما جواي ملخبط
.JPG)
يمكن حالة بس فعلا لما مسكت الكميرا كنت عايز اشخبط زي ما كنت اشخبط في لوحاتي زمان
النفس البشرية اعمق مما نتخيل ممكن نلاقي نفسنا فجاءة في حالة غريبة وملخبطة من غير سبب
بس بجد عندي سؤال لما نكتب او نعبر او لما اصور انا حاجة ممكن تأثر علينا بشكل سلبي ؟؟
انا صورت صورة وكان مفروض احطها في البلوج التاني بس الصورة دي خلقتلي حالة مش عارف تفسيرها
معرفش منها ولا مني ولا يمكن انا كان عندي استعداد لكدة انا اعرف ان مصور صور صورة صعبة جداا
اقولكم شوفوها هحط اللينك واتفرجوا علي الشخبطة معلش المرة دي مزاجي جاي علي علي حبة شخبطة
لينك الصورة اهو علشان تعرفوا اد اية الصورة ممكن تقول ملايين الحروف طائر منتظر موت طفل
هناك ١٣ تعليقًا:
بصراحة الصورة صعبة اوي اوي
بجد
الله يسامحك ياعادل
مش اول مره اشوفها بس بجد كل مرة بتكون اصعب من اللي قبلها
تحياتي ليك
محمد سمير
اولا الصوره مش صعبه بس
ولا مؤلمه
فيه حاجه تانيه مش عارفه اجيبلها وصف
احساس ومزيج من الالم والمراره والغيظ والحسره
الالم لحال الطفل
والغيظ عشان فيه ناس مفتريه مش عارفه نعمته ربنا عليها وبتتبطر علي كل حاجه
يجيوا يشوفوا الصوره
والله غضب من ربنا يا عادل
كل الي يكون في ايده حاجه وميساعدش غيره
الله يسامحك
يعني حر وحزن والالم
انا هلاحق علي مين ولا مين
وبعدين مالك وليه الدنياملغبطه كدا
صحيح سعات الواحد بيمر بحالات غريبه مش بنكون فاهمنها ابدا
انا في واحده من دول
لولا ان فيه ناس ارتبط بيهم من العالم الافتراضي دا انا كنت قفلت الدمونه والله ياعادل
انت عارف تقريبا العيب في الكويت
مش ملاحظ كدا
يمكن عشان الناس بتسافر واحنا قاعدين؟
يمكن عشان الحر والنار الي هتيجي قريب
بقولك ايه سيبك ورق كدا
واخرج روح مارينا مول
واتفرج علي الهبل الي هناك عالم هايصه وعالم لايصه
وعالم حرانه
اخبار التكفيات ايه عندكوا
ابقي طمن عليك لو سمحت
تسلم علي سلامك
وربنا يكرمك يا عادل
تحياتي
بعد ما شفت الصورة عيزة أقولك هنروح نقول لربنا اية
اكيد في تقصير من الجميع في حق
الانسانية
لا حول ولا قوة الا بالله .. عندك حق فى المود اللى انت فيه .. بس متستسلمش اوى .. باى
شخبط شخابيط
لخبط لاخبيط
مشك الالوان ورسم علي الحيط
....
انا قلت اعمل فاصل غنائي
علشان وصله الالم دي تخف شويه
الصوره اكيد صعبه واكيد مؤلمه
وتعبر عن كلام كتير اووي صعب يتقال
بس اهم حاجه الشخبطه
صباح الدمار
ايه الصورة دى
انت شكلك كده فعلا متأثر جدا ودا واضح فى الشخبطة والصورة اللى انت حاطط لنكها
بمناسبة الصور اللى بتأثر على الفنان فكرتنى بفيلم ظرف طارق لما كانت نور رسامة وقال لحلمى ساعات الواحد يبتدى يرسم حاجة تطلع حاجة تانية لان احساسه بنطبع على الصورة
قالها انا كنت برسم كوبرى قام فى الاخر طلع واحد صاحبى اصل اسمه محمود علوى
:D
ضحكت يا عادل صح؟؟؟
مرحة انا
مش كده؟؟؟؟
تحياتى ليك
بص حاله الشخبطه الداخليه عندي اليويمن دول بصوره غريبه كل ماحاول اكتب حاجه بحس نفسي بشخبط
كلام وخلاص
يمكن الي الي جوه ديما بينعكس على كل شئ حولينا
وبيتحكم حتى في رؤيتنا
الصوره ديه انا شوفتها لما فاز بيهاصحفي بريطاني في احسن الصور من خلال مسبقه ما
عارف اول مره شوفتها وجعتني اوي
صوره نسر مستني طفل يموت علشان ياكل جيفه
بعد كده لما شوفتها حسيت اني اتعودت عليها وفقدت مساحه الالم
الي وصلتهالي اول مره
وده الي احنا عيشينه من كتر مابنشوف
وبنتألم وبنتوجع
ومش قدرين نعمل اي حاجه بيتحول الالم
لتبلد
وكل الصور المؤلمه بتبقى مجرد شخبطه جوفاء من اي احساس او اي معنى
ربنا معاك
صباح الخير يا عادل
لسه متلخبط وإلا ايه؟
عارف انا المرة اللى فاتت دخلت وشفت الصورة
بس بصراحه كانت اول مرة اشوف الصورة دى
وما قدرتش اعلق عليها ومشيت
ولو اللى صورها انتحر يبقا لانه ما قدمش حاجه للطفل ده واكيد ضميره بعد كده انبه يا اخى ده ابسط شىء كانوا دخلوا الطفل ده المعسكر بعد ما يصوره
انما لو سابه للمصير ده يبقا يستاهل اللى حصل له
تحياتى
محمد سمير صديقي الحبيب
=======================
جهينة الانسانة الجميلة
=============================
الخيط الرفيع الواقعية
==========================
بوسي كات وردتنا
========================
بوسي الامورة
===========================
حدوتة واجمل حدوتة علي الاطلاق
===========================
محض روح وروحها الجميلة
===========================
لمى العقل والنضج
======================
كلامكم خفف عني لخبطتي وعادي انا حاليا
برضو لسة متلخبط
هههههههههههههههههههههه
بهزر طبعا
صوره مؤلمه , في الوقت اللي امريكا بترمي ربع القمح بتاعها في البحر حفاظا علي سعره و علي مستوي معيشه المزارع عندها , يموت الالاف جوعا لانهم لا يجدو الماء والغذاء
والصوره تغني عن اي كلام في الموضوع ده
بخصوص الصوره اللي انت مصورها
انت حطيت لمبات بالوان مختلفه و ظبطت الشاتر علي سرعه قليله وحركت الكاميره وانت بتاخد الصوره ؟
مشمش
فعلا الصورة دي سحب عدسة
طائر جارح ينتظر موت طفل من أطفال المجاعات ؟؟؟؟؟
مش عارفة أقول أيه غير أنى أدعى فى يوم من الأيام أن يكون بنى أدم فى أنسانية بنى طير
عاليا حليم
علي رأيك
علي الاقل منتظرة يموت مش بياكله حي
ولا بيهينة مستني يبقي جيفة
تعرفي مكنتش واخد بالي من رحمة الطير دة
مهو لو بشر من الي بالي بالك مكانش استني
إرسال تعليق