جروح من النوع العميق
هي الجروح ممكن تتعالج ولا بتسيب اثر ؟؟؟
تحديث
هشرح طريقة عمل الصورة دي بس باختصار علشان بشرب شاي
اولا نجيب خلفية وهي عبارة عن ورق ابيض مقوي ماثي ؟؟
ونجيب تفاحة عسولة كدة
ونجيب سكين حادة وكاتشب هههههههه طبعا هو الي كان موجود
وبصراحة علشان ملعبش في النعمة من غير ما اكلها
نعمل شق في النص بالظبط
ونوسع الشق باننا ناخد شريحة خفيفة
ونعمل شقوق رفيعه متقابلة من الناحيتين
ونجيب خيوط قطن يكون مقاسها المسافة بين الشقين
ونغرزها بطرف السكين من الناحيتين
علشان تبان انها متخيطة
ونجيب الكاتشب ونحطة في الشق
وتحت التفاحة
ومع تركيز اضاءة جانبية
نصور
بس خلاص
هناك ٤٠ تعليقًا:
الجراح الشاطر مش بيسيب أثر وللا ايه يا فنان ؟؟؟
بوسي كات
الجراح الشاطر مش بيسيب اثر
هو شاطر في اية بالظبط؟؟
لا انا بتكلم علي الشاطر الي بيجرح نفسة جراحة بتطييب ولا بتفضل موجوعة ؟؟؟؟؟؟؟؟؟؟؟؟؟؟؟؟
مش بتكلم علي الي بيخط الجرح
ولا اية يا بوسي كات ؟؟؟
أعتقد انها مش بتتعالج.. عادل أنت خريج أيه ؟ أنا خريجة تربية فنية و عندى دبلومة فى الجرافيك
عاليا حليم
نورتيني لاول مرة انا رحت مدونتك ولقيتك بتحبي عبد الحليم ومش عارف الاسم بالصدفة عاليا حليم ولا اية
تربية فنية ؟؟
طب لازم تروحي المدونة التانية لان فية لوحة لعبد الحليم هناك مدام بتحبي حليم
انا دارس فنون بس بعد التخرج حر يعني فنون جميلة بتاعة الزمالك دي قسم تصوير ذاتي
انا رحت لتنمية الموهبة مش علشان اتعلم
الشاطر يلحق نفسه قبل الجرح وعموما الجراح عمرها مابتطيب ولو فاتت سنيين والجرح جرح يعنى بيوجع .. ياترى انا كدة فهمت وللا ؟؟؟
بيسيب
وجع
انت اخبارك اية؟
اوروفوار
عادل
بجد بجد بجد
فكرة الصورة تجنن
طبعا الجرح اللى انت عملته فى التفاحه دى لا يمكن يخف وما لهاش حل غير انك يا عينى تاكلها
ههههههههههه
بس عموما الجروح حتى لو شفيت ظاهريا وما بقالهاش اثر بعد عمليات التجميل
الا ان اثرها النفسى يبقى ولفترات طويله جدا
الفكرة بجد تحفه وماشيه مع التدوينه اللى انا كاتباها
من ناحيه الالوان والمضمون كمان
تحياتى
بس لو مش عايز قلبك يتوجع
ما تروحش عندى
سلام
هي بتتعالج بس دا ميمنعش انها بتكون سايبة اثر
صورك حلوة اوي
الجروح دايما بتسيب أثر بس فى جروح آثارها خفيفة ما بتبنش، وجروح تانية بتبفى عميقة جداااااااا، بس جرح التفاحة ده ممكن يختفى فى لحظة.. واخذ بالك فى لحظة
بمناسبة بقى أنك درست دراسات حرة فى فنون جميلة، أنا فعلا الموضوع ده محيرنى جدا، لأنى كنت محتارة بين إعلام وفنون وفى الآخر اخترت إعلام وقلت أخلى الفنون هواية، وكان فى دماغى فعلا أنى أدرس بعد ما أخلص اعلام بس مش عارفة خايفة لو درست فنون دلوقتى أبقى بشغل نفسى عن الصحافة اللى بحبها جدا، وفى نفس الوقت صعبان عليه أضيع هوايتى من ايدى.. تشور عليه بى ايه يا فنان بما أنك خبرة يعنى
السلام عليكم
مش عارفه اقول فنان ولا عبقري
الجروح حتي بعد ما تتعالج بتسيب اثر
لازم تسيب يعني
والصوره بقي
هتسيب اثر جواناا لانه حلوه
ومستنين تقول الفكره عملتها ازاي
اي حاجة بتمس مشاعر الانسان واحاسيسة لازم تسيب اثر وعمر الزمن مابيمحيها سواء كانت الحاجة دي جرح مؤلم او كانت صورة جميلة زي الصورة دي
تحياتي يا فنان
محمد سمير
طبعا يا عزيزي جروحنا العادية لو زي جرح التفاحة الغلبانة بتتعالج و تبقي زي الفل .. لكن بالنسبة لجروح النفس أعتقد ان ده بيتوقف علي مصدرها .. يعني ساعات تصيبنا الجروح من الاعزاء او المقربين من غير قصد غالبا .. في الحالة دي التسامح و درجة العلاقة الموجودة قد تجعل من الجرح مجرد توتر عابر .. ينمحي اثره تماما
و ساعات يكون الجرح من ناس تانية لا تربطنا بهم علاقة .. و ساعات تانية يجرحنا القدر او يفاجئنا مفاجاة سيئة غير متوقعة .. دون تدخل بشري مباشر ..في الاحوال دي الجرح بيكون اعمق و اصعب يختفي .. لكن افتكر ان الزمن اقوي مني و منك .. و من الجروح .. قد يمحو الآثار .. و لو بعد حين
بوسي كات
والله الجروح ما بتتعمل غير للشطار
ومن الشطار
فهمتي طبعاااا
عجبتني الشاطر يلحق نفسة دي بجد
اما نشوف مدة الالم
طهقانة
اخيرا جيتي فينك من زمان
بتسيب فعلااااااااااا
تحياتي اورفوار
لمى
حصل والتفاحة اتاكلت
علشان اريحها
الجروح دي الظاهرية بتخف
انا بتكلم علي النوع التاني التاني
توتة توتة
دة المختصر المفيد بتتعالج وفعلا بتتعالج وبتسيب اثر وفعلا بتسيب اثر
تسلمي وتعليقك هتشوفية بصورة بعد دي
بحبك يا مصر
اه فعلاااا فينة انواع من الجروح
واخد بالي ان الجرح ممكن يختفي في لحظة واخد :)
وهو يعني مينفعش نعمل كذا حاجة بنحبها في وقت واحد متكسليش
ممكن نقسم الحب والسعادة الشئ الوحيدة الي كل ما يتقسم يزيد
حبي الصحافة وحبي الرسم
وزعي وقتك هتلاقي متعتك اكبر وممكن تفيدك في مجال شغلك صدقيني
تحياتي ولسة مشوفتش حاجة من حجاتك انا اصلاااااااااا
فين ؟؟
بوسي
الصورة هتسيب اثر جوانا
تعرفي التعليق بتاعك دة ممكن يخلينا
اتاكد اني بحب التصوير
لان كل حاجة ممكن نحسها بتعلم جوانا
شكرااااا لتعليقك الي مش هنساة بجد
تسلمي يا بوسي
محمد سمير وغمض عينيك
انت الي فنان جمعت بين الحاجتين
الصورة والجروح
بجد حريف
يوسف
تفتكر الجرح الي بيكون من الاقارب والاعزاء هو الي بيتنسي بسرعة ولا العكس؟؟
طيب لو حد عمل معاك موقف بايخ وكان اعز الناس لك اصعب
ولا حد غريب يكون اصعب
انا بعتقد بقدر المحبة والمعزة بتجي معاها حجات كتير مرتبطة بيها
صاحبي لازم يكون صاحبي
وناس بعزها لازم تكون في مكانها الصح
تحياتي
اللي بيتعالج ما بيسيبش أثر ي عادل
إنما اللي مابينفعش يتعالج أثره عِنَدي جدّا
توقّعت إن اللي جوّه جيلي.. وإوعى تضحك عليّ لو طلع توقّعي عبيط
بس الي عاوزة أفهمه بقة.. إنت خيطتها بجد
طب إنت بتلاقي وقت إمتى!!!
و الله اللي إنت فيه ده متعة.. يعني أنا اللي بتفرّج مستمتعة.. إمال إنت ايه بقى؟؟
ده مش قرّ و الله
تحياتي و مستنية الجديد
مجهود رائع
ياتري انت اللي خيطتها بايدك
؟
وايه حكايه الاحمر معاك بالظبط ؟ انت بتحب الالوان الناريه قوي كده ليه؟
عموما اتمني ان قلبك يكون مفتوح للنقد الفني عشان انا ناوي احط شويه نقد هنا لو معندكش مانع
1- i see that the pic is out of focus a little 7'sosan min fo2_ana mosh batkalim 3an edges il tofa7a ana batkalim 3an edge il 7'yata nafsaha
2- edges are not sharp enough(il 7'yata nafsaha bardo)
3-il i2da2a gaya min il ganb ..bas lw kanit bshakl 3amodi 3ala il 7'yata kanit 7atidi ta2sir alaz (3ashan il in3kas 3ala il salsa kan 7yb2a awda7 we mosh 7ydi il over exposure zai ili fil apple side)
بس ده ميمنعش ان الصوره تاخد عن جداره احسن صوره واجمل فكره زي بقيت الصور اللي شوفتها عندك
بصراحه خيالك ساحر
هنودة
فهمت قصدك
صح فية حجات مبتروحش ولا تنفع تتعالج
هبقي اقولك عملتها ازي بس دة مش جيلي ودي مش خياطة
:)
مشمش
ايوة كدة عايز حد ينكش ويطلع
ههههههههههههههه
بص علشان بس تعرف انا مئات الافكار في دماغي ولما بتجي الفكرة بنفذها بسرعة
وبابسط الاشياء وعارف اني ممكن اعملها افضل من كدة بس بتكون فكرة واتنفذت وخلاص وبعدين ممكن اكرر
علي فكرة الاضاءة بتاعة اي طبيعة صامتة لازم من الجنب تكون
الخياطة دي شكل بس
بس في النهاية اهم حاجة تكون الصورة عجبتك ودة شئ جميل
مبسوط بمتابعتك وتحليلك بس لو يكون بالعربي بدل العربي المدبلج دة بيخنقني
هههههههههههههههههه
تحياتي
جامدة جدا
يا عم انت لازم تاخد جايزة
لاء مش اي جايزة
دي جايزة بس ليك
مفيش حد من قبل اخدها
بجد هايل
عندك عين ما شاء الله
واحساس ولا اروع
ربنا يوفقك
عادل انا ركنت البرشوت فوق المدونه بلاش الحركات دي
هههههههههههههه
خمسه جد بقي من غير هزار
طبعا الي شيفاه في الصوره الي مصورها يعتبر تحفه من الناحيتين
من ناحيه التصوير
والاخر من الناحيه التعبيريه
انا يهمني هنا اتكلم علي الجرح الداخلي وليس الخارجي
اي جرح في الدنيا اكيد ممكن يطيب بس ازاي
هنا السؤال
الزمن والنسيان نعمه كبيره من ربنا
تخيل يا عادل لو ذاكرتنا دي مش موجود فيها خاصيه النسيان
تفتكر الحياه هتكون شكلها ايه
قد ايه الواحد عديت عليه مواقف وظروف لو ربنا ما انعمش علينا بنسيانها او القدره علي تناسيها
كنا موتنا من زمان
عارف فيه كلمه دايما في دماغي
كلمه بتقول
اذا كانت لك ذاكره قويه وذكريات تعيسه فأنت اشقي اهل الارض
مش بس الذكريات هيا الي بيتكفل الزمن بمداوتها
وبرضه الجروح
صحيح بتسيب علامات عمرها ما تمحي ابدا لا بفعل الزمن ولا النسيان
لكن بتطيب يا عادل
مهما طال عليها الوقت وكانت قاسيه ليها وقت بتنتهي فيه
لكن بيفضل اثرها من وقت للتاني يسبب نغزه في القلب ليذكرك دائما بما قد كان وما حدث
يعني الي عايزه اقولهولك ان اي جرح قابل للاندمال بشرط اتحاد عامل الزمن والنسيان لمساعده الانسان
متنساش الاراده كمان
اكيد ليها نصيب كبير
الصوره يا عادل بجد تحفه
قد ما ليها الف معني داخلي وخارجي
قد ما هيا برضه في الاخر تفاحه وهتتاكل هتتاكل
ههههههههههه
سيب البرشوت بقي وخليك جدع هرجع ابو حليفه ازاي انا دلوقتي
الوسيله المتوفره حاليا هو الحنطور بس للاسف مش مكيف
يرضيك كدا
؟
تسلم ايدك يا عادل
تحياتي
كل الجروج بتروح
مفيش جرح بفضل مفتوح على طول
بس الي بيفرق حجم الندوب
فيه ندوب بتروح
وفي منها بيسيب اثر
علشان بنحط ايدينا عليها
طول الوقت
لو نسينا مكان الجرح الاثر هيكون اقل
صحيح
بجد مش هزار فكر تعمل معرض
للصور ديه
الموضع ده هيفرق معاك اوي
لو خت الموضع شويه احتراف
هنشوف فنان بجد
بس ابقى افتكر المدونه سعتها
تحياتي يا فندم
ليموندا
فين فين سمعت كلمة جايزة انا
انا بحب الجوائز
بس خليني افكر اية الي محدش اخدة قبل كدة
والله كلامك دة احلي جايزة يا ليموندا
هعتبر نفسي اخدتها بكلامك الجميل دة
تسلمي شكرااااااااا
جهينة
تعرفي لية قلت لك تعالي بالبراشوت
علشان تنزلي ومتعرفيش تطلعي تاني
هههههههههه
تعليقك دة ميتردش علية لانة يعتبر مكمل للصورة
هو ضمن البوست نفسة
فعلا يا جهينة النسيان والايام بتنسي الجروح وبيفضل اثر بسيط نغزة زي ما شرحتي
بتفكرني الحمد لله انا ذاكرتي قوية بس
برضو مش فاكر جروح
بس يمكن مية نغزة بس
تفتكري من اية النغزات دي ؟؟
انتي عارفة ودة لزمة هنودة هقتبسها منا كل بداية تعليق تكتبها
انتي عارفة كل ما يكون الانسان فينا بيتعامل مع الناس وكان دول جزء منة
وكل ما يحب الناس ويديهم كل الحب
ويجعل ايامة كلها بساط يدوسوا علية
ويروي وينتظر الي هيطلع من الارض
وبعد طول انتظار يجي يحصد يلقي شوك
هو دة الي بيكون مش محصن ضد الجروج
لو ان حد مش في دائرة الاهتمام يجرحك
والمصيبة الاكبر انك مش بتقدري تكرهي ولا ترجعي زي الاول تاني
نلم الموضوع دة احسن
حنتور اية يا جهينة بتهزري انتي
احلي سيارة ليموزين توصلك لابو حليفة
بعد ما ندبح الدبايح ونوزع الحلوي ونفرش في الارض ورد
ابقي تعالي كل مرة بالبراشوت
تحياتي
بصرف النظر عن الصوره الروعه اللى انت رسمت بيها الجرح ومحاولتنا فى اخفاءه
الجرح مش ممكن يداوى الا باللى كان السبب فى جرحه
عارف
وداويها بالذى كان هو الداء
بس ده مش معناه اننا بنقف ونستنى
الحياه بتستمر والجراح كمان بتستمر
محض الروح
فية يا بنت هو انتي مجاوبتش كويس في الامتحان ولا اية
حاسس انك واخدة ركن كدة لوحدك
:)
بصي مش هلقي احلي من كلامك نفسة ارد بية
لانة كمان معبر جداااا
دايما معبرة يا دينا
كل الجروج بتروح
مفيش جرح بفضل مفتوح على طول
بس الي بيفرق حجم الندوب
فيه ندوب بتروح
وفي منها بيسيب اثر
علشان بنحط ايدينا عليها
طول الوقت
لو نسينا مكان الجرح الاثر هيكون اقل
بالنسبة للمعارض
انا عملت كتير قبل كدة وجربت
بس كان رسم مش تصوير الي كنت بتعب فية اكتر
التصوير دة سهل جدااااااااا عن الرسم
وقت وجهد ومال كمان
بس كاميرا وزرار
لكن الرسم دة عالم
مهو اديني عامل معرض هنا في المدونة انا
مش شايفة فارش الصور علي ارض المدونة
هههههههههههههههههههههههه
تحياتي
بياترتس
اخ كلام كبير
الجرح مش هيداويها الي الا جرحة
وداويها بالذي كان هو الداء
انا هعدي الكلام دة لانة اصعب من الصورة في معناة مش بقلك كبير
هنختار الاجابة التانية اسهل
الحياة تستمر
استمر يا عم الحاج
بكلم نفسي ههههههههههههه
تحياتي
تصدق يا استاذ عادل
اول مرة ادخل هنا واشوف الحلاوة دى بسم الله مشاء الله بجد بسم الله مشاء الله ولا حول ولا قوة الا بالله
رائع رائع حس فنى عالى اوووووووى
نقول بقى على الجروح اكيد بيترك اثر خصوصآ لو كان الجرح نفسى اما لو جراحة فدلوقتى عالجها بقى سهل
تحياتى لحضرتك يا فنان
كراكيب ايه بس اللى حضرتك مسمى به نفسك بس
:D
عادل ربنا يكرمك
انا دخله ارغي معاك شويه
فاضيه بقي وخلاص بحول قدام الجهاز من التعب بس بربي نفسي وبعاقبها
ههههههههههههههه
انت وصفت الي بحصلي والله
كل ما فعلا تعمل معروف وبعدين تاخد علي دماغك من صاحبه
الدنيا في الول بتبقي سودا وحاله من الاذبهلال بتكون مسكاك وتبقي عايز تشيل وتحط عليه
لكن بعد فتره بتهدا وبتروق ولو الشخص دا اعتذر خلاص ولا كان فيه حاجه
تفتكر دا ايه
طبيه زياده عن اللزوم
ولا سذاجه
ولا احنا الي غلط في الدنيا دي
؟؟؟؟؟
تشرب ايه بقي مع الجاتو الي بتاكله دا؟
عايز تاني؟
اطلب والله متتكسفش
ههههههههههه
تحياتي يا عادل
اماني
يعني اية اول مرة تجي هنا انتي بتهرجي
امال بس جنوب جنوب وحاطة صورة اسوان
طيب اية رئيك هبعت بلدوزر يهد حديقة فريال انا
عموما المدونة نورت
وشرفتيها بزيارتك
الجروح انتي ذكية قسمتيها اتنين
صح كدة نفصل بين الاتنين علشان منتلخبطش
كلامك صح يا اماني
فعلا هي كراكيب انتي مش مصدقة لية
طب هثبتلك انها كراكيب
صبرك علي بس
جهينة
ترغي معاي ماشي فهمنا بس تعاقبي نفسك مش فاهم
مع اني بعمل كدة
بس معتقدش انتي زيي
لانك رقيقة انا تمساح واستحمل
ههههههههههههه
هنعمل اية بس
الواحد لو علي الي حصل ميكلمش حد
:)
انسي
هو مين قالك انا باكل جاتوة يا جهينة دي كنافة بين نارين بتاعة كنفاني تحفة
بس تشتريها من الجابرية
بشرب معاها مية بس
فية نوعين منها ناعم وخشن وممكن الاتنين في طبق واحد جربيها بئي
تحياتي
يعني قلت حاتقوللي عملتها إزاي و بعدين روحت حطيت الصوزة الجديده ولا قلتلي ولا حاجة.. ماشي ماشي.. أنا رايحة أشوف ايه حكاية الصورة الجديده ..
:)
هنودة
حالا هروح اقولك هناك
هعمل تحديث
تامري
هي الصوره فعلا حلوه
لكن انت عبقري في طريقه التحضير ليها بجد (:
اسراء
ازيك طريقة التحضير هي المزاج كلة
:)
إرسال تعليق