تفاصيل صغيرة في كل ركن
كل شئ في الكون ربنا اعطالة مقومات نجاح او استمرار في الوجود علي الارض
لو بصينا في كل شئ حولنا هنلاقي اصغر نبات واصغر طائر واصغر حشرة واصغر حيوان
واكبرهم كلهم عندهم نفس المقومات ..... احنا البشر ربنا اعطانا اكتر شئ من مقومات النجاح
ومش بس الحياة ومش بس وجودنا علي ظهر الارض ..اي واحد فينا ممكن ينجح اي حد ممكن
يكافح لو استخدم مقومات النجاح دي بس الغالبية مع اول او تاني محاولة بيستسلم لحجات كتير
وبيكون نصيبة الفشل ... مش علشان هو فاشل لا لا علشان هو فشل في استخدام مقومات النجاح
النبات الي في الصورة فية زهرتين ادوا رسالتهم مفروض دققوا كويس هتلاقوا ان منهم اتنين من
البذور مش موجودة لها مخالب علشان تمسك في اي شئ وتنتقل لمكان تاني وكمان لها حاجة زي الريش
علشان تطير بية مع الهوا ...... لا استطيع الا انا اقول سبحان الله لم يظلمنا ولكن نحن الظالمون
هناك ٢٤ تعليقًا:
سبحان الله
تفاصيلك ده خلتني أسأل نفسي لو الواحد بص جواه بتأمل زي ما بصيت على صورك بتأمل ز قريت وصفك ليها و اللي ساعدني أكتر ع التأمل
لو عملنا كده حانلاقي القوة اللي شايفاها دلوقت ده؟؟؟
سبحان الله
سبحان الله اللي أبدع في خلقه
وسبحانه اللي وهبك الموهبة اللي خلتك تبدع في تصوير صور زي ده
تحياتي
سبحان الله
سبحان الله
فعلا لو الانسان دقق شويه فى التفاصيل
هيلاقى حاجات كتير غايبه عن باله
هيتعلم حاجات اكتر ممكن تغير فى يوم حياته
تحياتى
صدقت
khaled
سبحان اللة هي فك الاندهاش عندي دايما
لان قدرة الله في الخلق وفي الكون لابد ان يعجز امامها اللسان
hannoda
فعلا لو نبص جوانا علي الاقل ونشوف القدرات الموهوبة لنا من عند الله في جميع حواسنا وطريقة خلقنا
لطال بنا التأمل واعطينا قدراتنا مزيد من الثقة
اننا نكون علي قدر تحمل الامانة في الارض
ابداع في الصور ؟؟؟ ربنا يخليك يارب مش للدرجة دي
anima
اهلا انيما كنت عايز اسئل عن الصورة بتاعة الرمز بتاعك معناها اية
اصل كل مرة انسي ابقي جاوبي ؟؟
remoo
انتي تقريبا وصلتي للمعني
اننا نغير جوانا شوية ونبص ونشوف التفاصيل الكتير والنعم دي احنا كسولين جدااا
اية سر حبك للازياء يا تري ؟؟
محمد عبد الغفار
اهلا اهلا ابقي شوف المدونة التانية فيها حاجة هتعجبك
:)
هي صورة رسمهالي فنان بتعني دورة الحياة
لأنه اسمي بيعني الحياة و الروح
انت بجد تصويرك تحفة
انت هاوي تصوير بس ولا درسته؟
على فكرة انا بحب التصوييييير اووووووووووي
رائع جدا جدا جدا جدا جدا بشكل مستفز قوي
.
.
انا اتفرجت ع البلوج كله بصراحه .. رسوماتك غاية في الروعه والجمال
.
.
يمكن انا مش بافهم قوي في الرسم
لكن مستيهيقلي ان الفحم والباستل
.
.
علي قد فهمي ياعني امكانيات فقيرة
او بسيطة ياعني
.
بس انت قدرت تطوعها عشان تطلع منها الروعه دي بصراحه
anima
هو فية فنان عرف يجسد دورة الحياة ؟؟
معتقدش والا كنت هعرف معناها بدون اسئلة بس هي مميزة بجد
اميرة حسن
انا بحب التصوير والرسم دي هواية بس نمتها ودرست فيها اة
طيب فين صورك خلينا نتفرج
يا ريت اشوف تصويرك
ادم المصري
اولا نورت المدونة لاول زيارة
وتعليقك يشجع بجد وخاصة جدا جدا بشكل مستفز ضحكني
الفحم والباستل قسم من اقسام الرسم نوع من الالوان يعني
بس بيكون دقيق اكتر من الزيت وخاصف في البورترية
اهم شئ ان يكون كل حاجة عجبتك ودة شرف لي وهروح حالا لمدونتك تحياتي
sob7an allah
batoo0t
تعليقك هو الغاية
سبحان الله
شكرا لمرورك وياريت نشوفك هنا تاني
عادل
أولا مساء الخير
ثانيا أنا عاوزة أتخانق
فين الصور الجديدة؟؟؟
ايه سبت الكاميرا فمصر ولا ايه
لابجد
مستنيين صورك
هنود
مساء الفل
حاضر موجودين بس مستني احط الاسم عليهم
وكمان في نهاية الاسبوع دة هطلع طلعة تصوير لو الجو ساعد والمزاج
الكميرا اهي بيني وبينها 20 سم بس
شكرا لتشجيعك دة اية اخبار دروس الكمبيوتر ؟؟؟
صوره جامده ياباشا وسبحان الخالق
ااما بقى عن الفشل والكلام ده انا متفق معاك على ان مفيش حد فاشل عشان كده يفشل لا
واحب ان اقولك حاجه يا معلم متفقه مع كلامك الاستسلام وكده
توماس ايدسون قال
( كثير من حالات الفشل فى الحياه كانت لاشخاص لم يدركو كم كانوا قريبين م
النجاح عندما اقدموا على الاستسلام)ـ
وزيج زيجلار قال
يفشل الناس احيانا وليس ذالك بسبب نقص القدرات ولكن بسبب النقص فى الالتزام
يعنى من الاخر مفيش حد فاشل يا معلم
وتانى مره بوست شغال اوى والمدونه
سلااااااااااااام
حسام مراد
نورتني بجد لاول مرة وياريت تتكرر
الله علي تعليقك وكلامك وكانك بتكمل حاجة ناقصة
ومن لم يخطط لحياتة فقط خطط للفشل
من حالات الفشل فى الحياه كانت لاشخاص لم يدركو كم كانوا قريبين م
النجاح عندما اقدموا على الاستسلام)ـ
عجبني الكلام دة بجد
حبيبي تسلم وكلك زوق
فعلا ربنا ادانا كل المقومات بس احنا اللى مش بنعرف نستخدمهم
صح يا لمي
إرسال تعليق